Xitoyning Ninbo shahridagi hayvonot bog‘ida uch yo‘lbars bir erkakni g‘ajidi. “RIA Novosti” xabariga ko‘ra, erkak yo‘lbarslarning qafasiga juda yaqin kelgan, shunda jonivorlardan biri uni tortib ketgan.
Xitoy markaziy televideniyesi ma’lumotlariga ko‘ra, hodisa 29-yanvar, yakshanba kuni Toshkent vaqti bilan taxminan 10:00 atrofida yuz bergan. Guvohlarning so‘zlariga ko‘ra, erkak yo‘lbarslarning hududiga juda yaqin kelganida, yo‘lbars unga hujum qilib, erkakni ichkariga tortib ketgan.
Hodisaning internetda tarqalgan videosida erkakka uchta yo‘lbars hujum qilayotganini ko‘rish mumkin. Xabar berishlaricha, hodisa joyida jabrlanuvchining ayoli va farzandi ham bo‘lgan. Politsiya va bog‘ xodimlari mushaklar yordamida hayvonlarni haydashga uringan.
Tarqalgan videoyozuvlarda baland gumburlash ovozlarini eshitish mumkin. Guvohlarning qayd etishicha, erkakka hujum qilgan yo‘lbars o‘ldirilgan.
Xitoy markaziy televideniyesi ma’lumotlariga ko‘ra, erkak olingan jarohatlar oqibatida vafot etgan. Hodisa tafsilotlari o‘rganilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)