Канадада жиноятчилар ўғирлаб кетилган автомобилнинг бакини ёқилғига тўлдириб қайтарди. Бу ҳақда пицца етказувчи бўлиб ишлайдиган машина эгаси Жош Кук Facebook’даги саҳифасида маълум қилди, дея хабар беради «Мотор».
Кукнинг машинаси у мижозга пицца етказаётганда ўғирлаб кетилди. Ёмон об-ҳаво туфайли Жош Saturn Astra автомобилини ишлаб турган двигатели ва ёқилган авария сигнали билан қолдирганди.
Бинода бўлиб турган вақтида канадалик мотор овозини эшитди, кўчага югуриб чиққанида эса Astra катта тезликда жўнаб кетганини кўрди, холос. Шундан сўнг яқин орадаги касалхонадан полицияга қўнғироқ қилди.
Эртасига кечки пайт жиноят жойи яқинидан ўтиб кетаётган канадаликнинг таниши Saturn Astra’ни кўриб қолди. Автомобиль ўғирлаб кетилган манзилдан 10 метр нарида қолдирилганди. Воқеа жойига етиб келган Кук машинага жиддий шикаст етказилганини пайқамади, бироқ уни тўлиқ тўлдирилган бак ҳайратга солди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)