Хитойнинг Нинбо шаҳридаги ҳайвонот боғида уч йўлбарс бир эркакни ғажиди. «РИА Новости» хабарига кўра, эркак йўлбарсларнинг қафасига жуда яқин келган, шунда жониворлардан бири уни тортиб кетган.
Хитой марказий телевидениеси маълумотларига кўра, ҳодиса 29 январь, якшанба куни Тошкент вақти билан тахминан 10:00 атрофида юз берган. Гувоҳларнинг сўзларига кўра, эркак йўлбарсларнинг ҳудудига жуда яқин келганида, йўлбарс унга ҳужум қилиб, эркакни ичкарига тортиб кетган.
Ҳодисанинг интернетда тарқалган видеосида эркакка учта йўлбарс ҳужум қилаётганини кўриш мумкин. Хабар беришларича, ҳодиса жойида жабрланувчининг аёли ва фарзанди ҳам бўлган. Полиция ва боғ ходимлари мушаклар ёрдамида ҳайвонларни ҳайдашга уринган.
Тарқалган видеоёзувларда баланд гумбурлаш овозларини эшитиш мумкин. Гувоҳларнинг қайд этишича, эркакка ҳужум қилган йўлбарс ўлдирилган.
Хитой марказий телевидениеси маълумотларига кўра, эркак олинган жароҳатлар оқибатида вафот этган. Ҳодиса тафсилотлари ўрганилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)