Iroq qurolli kuchlari Sharqiy Mosulni IShID terrorchilik guruhi jangarilaridan to‘liq ozod etdi. Bu haqda mamlakat qurolli kuchlari bosh qo‘mondoni bosh vazir Haydar al-Obodiy ma’lum qildi, deb yozadi “TASS”.
Iroq vazirlar mahkamasi rahbari shu tariqa avvalroq Sharqiy Mosul hukumat nazorati ostiga qaytarilgani haqida tarqalgan ma’lumotni rasman tasdiqladi.
Avvalroq arab mamlakati mudofaa vazirligi Dajla daryosining chap qirg‘og‘idagi hududni ikki yildan buyon o‘z qo‘lida tutib turgan ekstremistlar ustidan to‘liq g‘alaba qozonilganini ma’lum qilgan edi. Daryo Mosulni IShIDdan tortib olingan sharqqa va terrorchilar qachonlardir o‘z “poytaxti” deb e’lon qilgan ularning so‘nggi tayanchi — g‘arbga ajratadi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)