Tojikiston ichki ishlar vaziri Ramazon Rahimzoda o‘z xodimlariga ortiqcha vazndan qutulish haqida ko‘rsatma berdi. Aks holda, “RIA Novosti”ning yozishicha, ular ish joyidan ayrilishi mumkin.
Xabar berishlaricha, aksariyat tartib posbonlari ortiqcha vaznga qarshi kurashni boshlagan — ular yugurish, idora hovuzida suzish bilan shug‘ullanmoqda. Aytishlaricha, ba’zi xodimlar ikki oy ichida 5—10 kilogrammga ozgan.
“Barcha xodimlarimiz xalqaro bo‘y va vazn mutanosibligi jadvaliga mos bo‘lishi shart”, — dedi Rahimzoda. Vazirning qayd etishicha, uning o‘zi ham sport bilan muntazam ravishda shug‘ullanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)