Mudofaa qobiliyati va tashqi siyosat masalalari Qozog‘iston prezidenti vakolati doirasida qoladi. Bu haqda davlat rahbari Nursulton Nazarboyev respublikada vakolatlarni hokimiyat tarmoqlari o‘rtasida taqsimlash bo‘yicha Ishchi guruh majlisida ma’lum qildi, deb yozadi “TASS”.
“Men taklif qilgan beshta institutsional islohotlardan birining amalga oshirilishi hukumatga iqtisodiyot sohasida qo‘shimcha ijroiya vakolatlarini berishni ko‘zda tutadi, — dedi u. — Shu bilan birga, prezident vakolati doirasida mudofaa qobiliyati, tashqi siyosat, davlat boshqaruvi, Konstitutsiya himoyasi va davlat hokimiyati tarmoqlarining samarali faoliyatini ta’minlashning asosiy masalalari qoladi”.
Nazarboyev Qozog‘iston prezidentiga dastlab berilgan vakolatlar soni kamayishini ma’lum qildi. “Masalan, dasturlarni tasdiqlash, hukumatdagi kadrlar almashinuvi, yangi boshqaruv organlarini tashkil etish masalalari hukumat va parlamentga topshirilishi mumkin”, — dedi u.
Izoh (0)