Koreya Respublikasi Koreya yarim oroliga yadrodan xoli maqomi berilishiga erishish uchun AQShning yangi ma’muriyati bilan hamkorlik qiladi. Bu haqda mamlakat prezidenti vazifasini bajaruvchi, bosh vazir Xvan Gyo An ma’lum qildi, deb yozadi “TASS”.
“Janubiy Koreya hukumati o‘z siyosatini Vashington bilan muvofiqlashtirishda davom etadi, bundan ko‘zlangan maqsad ikki tomonlama harbiy ittifoqni rivojlantirish, Pxenyanning yadro muammolarini hal etish va savdo-iqtisodiy hamkorlikni rivojlantirish”, — deya qayd etdi u.
“Seul, AQSh va xalqaro hamjamiyat Shimolga sanksiyali bosimni o‘tkazishda davom etadi”, — deya qo‘shib qo‘ydi prezident vazifasini bajaruvchi.
U, shuningdek, Seul Vashington bilan birgalikda Pxenyan tomonidan ehtimoliy harbiy provokatsiyalarni diqqat bilan kuzatishda davom etib, zarur bo‘lganida ularga shafqatsiz javob berishini ta’kidladi.
Izoh (0)