Корея Республикаси Корея ярим оролига ядродан холи мақоми берилишига эришиш учун АҚШнинг янги маъмурияти билан ҳамкорлик қилади. Бу ҳақда мамлакат президенти вазифасини бажарувчи, бош вазир Хван Гё Ан маълум қилди, деб ёзади «ТАСС».
«Жанубий Корея ҳукумати ўз сиёсатини Вашингтон билан мувофиқлаштиришда давом этади, бундан кўзланган мақсад икки томонлама ҳарбий иттифоқни ривожлантириш, Пхеньяннинг ядро муаммоларини ҳал этиш ва савдо-иқтисодий ҳамкорликни ривожлантириш», — дея қайд этди у.
«Сеул, АҚШ ва халқаро ҳамжамият Шимолга санкцияли босимни ўтказишда давом этади», — дея қўшиб қўйди президент вазифасини бажарувчи.
У, шунингдек, Сеул Вашингтон билан биргаликда Пхеньян томонидан эҳтимолий ҳарбий провокацияларни диққат билан кузатишда давом этиб, зарур бўлганида уларга шафқатсиз жавоб беришини таъкидлади.
Изоҳ (0)