AQSh moliya vazirligi tomonidan Serb Respublikasi prezidenti Milorad Dodikka qarshi sanksiyalar kiritilishi Bolqondagi vaziyatni barqarorlashtirishni qiyinlashtirishga urinish bo‘lib, u Rossiya tomonidan qoralanadi, deb yozadi “RBK” Rossiya TIV saytiga tayanib.
TIV bayonotida aytilishicha, Dodikka “Bosniya va Gersegovinadagi barqarorlashtirish jarayonini to‘xtatib qo‘ygani” uchun javobgarlik yuklanishi “asossiz”dir. Bunday qarorga, muassasa fikricha, Obama ma’muriyatining “Bosniya yo‘nalishida o‘tgan yillardagi yanglishuvlarini bekitishga urinishi” sabab bo‘lgan.
Rossiya tashqi ishlar vazirligi “Bosniya va Gersegovinaning barqaror demokratik taraqqiyoti va ijtimoiy-xo‘jalik jihatidan gullab-yashnashini ta’minlashdan iborat umumiy vazifamizga yaqqol zarar yetkazuvchi tahdid va ultimatumlardan” voz kechishga chaqirdi.
Izoh (0)