АҚШ молия вазирлиги томонидан Серб Республикаси президенти Милорад Додикка қарши санкциялар киритилиши Болқондаги вазиятни барқарорлаштиришни қийинлаштиришга уриниш бўлиб, у Россия томонидан қораланади, деб ёзади «РБК» Россия ТИВ сайтига таяниб.
ТИВ баёнотида айтилишича, Додикка «Босния ва Герцеговинадаги барқарорлаштириш жараёнини тўхтатиб қўйгани» учун жавобгарлик юкланиши «асоссиз»дир. Бундай қарорга, муассаса фикрича, Обама маъмуриятининг «Босния йўналишида ўтган йиллардаги янглишувларини бекитишга уриниши» сабаб бўлган.
Россия ташқи ишлар вазирлиги «Босния ва Герцеговинанинг барқарор демократик тараққиёти ва ижтимоий-хўжалик жиҳатидан гуллаб-яшнашини таъминлашдан иборат умумий вазифамизга яққол зарар етказувчи таҳдид ва ультиматумлардан» воз кечишга чақирди.
Изоҳ (0)