Chevrolet kompaniyasi Lego kubiklaridan yasalgan to‘liq o‘lchamdagi Betmobilning maketini namoyish etdi. Mashinaning uzunligi 5,2 metr, kengligi 2,7 metr, balandligi 2,1 metrni tashkil etadi, og‘irligi esa 770 kilogrammga teng. Bu haqida “Motor” xabar bergan.
Mashina yoyib qo‘yilganda umumiy uzunligi 26 metrni tashkil etuvchi, og‘irligi 130 kilogramm bo‘lgan alyuminiy asos (rama) ustiga qurilgan. Dizayn uchun “Lego Film: Betmen” multfilmidagi avtomobil ko‘rinishi tanlangan.
Avtomobilda hammasi bo‘lib 17 xil rangdagi 344 187 ta kubik ishlatilgan. Tashqi ko‘rinishni aniq--tiniq ishlab chiqish uchun 222 soat, barcha kubiklarni yig‘ish uchun esa 1 833 soat sarflangan.
Agar jamoa uch oy davomida haftasiga yetti kun tinimsiz kun-u tun ishlaganida, xuddi shuncha vaqt ketgan bo‘lar edi. Agar bu ish ustida faqat bir kishi, faqat ish vaqtidagina shug‘ullansa, xuddi shunday mashinani yig‘ish uchun to‘liq bir yil kerak bo‘lardi.
2016-yilda 195 mingta Lego kubiklaridan 1964-yilda chiqqan Ford Mustang’ning to‘liq o‘lchamli nusxasi yasalgan, 2015-yilda esa 500 mingta kubikdan boshqa Betmobil tayyorlangan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)