Mahmud Abbos Rim papasi bilan uchrashdi va Falastinning Vatikandagi elchixonasi ochilishida ishtirok etdi

Rim papasi Fransisk Falastin davlati prezidenti Mahmud Abbos bilan uchrashdi. Bu haqda “TASS” xabar bermoqda. 

Ikki yetakchi bir-biri bilan qimmatbaho va ramziy hadyalar almashdi. Jumladan, Rim papasi Falastin rahbariga arab tiliga o‘girilgan ikki kitobini taqdim etdi.

Mahmud Abbos tashrifidan ko‘zda tutilgan asosiy maqsad Falastinning Vatikandagi elchixonasi ochilishi bo‘ldi. Diplomatik vakolatxona bevosita papa qarorgohi yaqinidagi binoda joylashdi.

Ma’lumot uchun, 2015-yil may oyida Vatikan Falastin davlatini tan oldi. Undan uch yil avval esa Falastinning BMTdagi kuzatuvchi-davlat maqomini qo‘llab-quvvatlagandi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.