Маҳмуд Аббос Рим папаси билан учрашди ва Фаластиннинг Ватикандаги элчихонаси очилишида иштирок этди

Рим папаси Франциск Фаластин давлати президенти Маҳмуд Аббос билан учрашди. Бу ҳақда «ТАСС» хабар бермоқда. 

Икки етакчи бир-бири билан қимматбаҳо ва рамзий ҳадялар алмашди. Жумладан, Рим папаси Фаластин раҳбарига араб тилига ўгирилган икки китобини тақдим этди.

Маҳмуд Аббос ташрифидан кўзда тутилган асосий мақсад Фаластиннинг Ватикандаги элчихонаси очилиши бўлди. Дипломатик ваколатхона бевосита папа қароргоҳи яқинидаги бинода жойлашди.

Маълумот учун, 2015 йил май ойида Ватикан Фаластин давлатини тан олди. Ундан уч йил аввал эса Фаластиннинг БМТдаги кузатувчи-давлат мақомини қўллаб-қувватлаганди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.