13-yanvarning e’tiborga molik yangiliklari — “Daryo”ning kechki dayjestida.
1. Turkiya parlamenti Erdo‘g‘onning qo‘shimcha vakolatlari to‘g‘risidagi qonunning asosiy moddalarini ma’qulladi. Bunda gap, xususan, davlat rahbariga buyruqlarni parlamentga ko‘rib chiqish uchun taqdim qilmasdan turib, chiqarish imkoniyatini berish haqida bormoqda.
2. Rossiyaning Tu-154 samolyoti bortidagi terakt taxmini istisno etildi. Ekspertlar terakt yoki yerdan o‘qqa tutilganidan bilvosita bo‘lsa-da dalolat beruvchi hech bir omilni topmadi.
3. O‘zbekistondan Hindistonga yanvar oyining dastlabki kunlari 300 tonnaga yaqin mosh eksport qilindi. Mahsulot asosan Namangan, Samarqand, Surxondaryo, Toshkent, Farg‘ona va Xorazm viloyatlaridan yuklanmoqda.
4. Buyuk Britaniyada qor tufayli maktablar yopilmoqda. Bundan tashqari, mamlakatga kuchli siklon olib kelgan keskin sovuqlik va qor tufayli aviaaloqa va temir yo‘l aloqasi ham uzilib qolgan.
5. Samvel Babayan “terma jamoa prinsiplariga to‘g‘ri kelmaydigan” Temurxo‘ja Abduxoliqovni terma jamoa yig‘iniga taklif qildi. Umuman, “Paxtakor”dan chiqqan murabbiy terma yig‘iniga “Lokomotiv”dan to‘qqiz o‘yinchini taklif qilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)