O‘zbekistondan o‘tgan yili 2015-yilga nisbatan uch barobar ko‘p — 67 ming tonnadan ziyod mosh eksport qilindi. Bu haqda “O‘zagroeksport” AJ xabar bermoqda.
Jumladan, “O‘zagroeksport” AJ hamda Shri Niwas Dall And Besan Mill, Green Field Agro, Avika Foods va Eco Green Import&Export kompaniyalari o‘rtasida tuzilgan to‘g‘ridan-to‘g‘ri shartnomalar asosida Hindistonga 2016-yil to‘rtinchi choragidan boshlab mosh mahsuloti eksport qilinmoqda.
Mahsulot asosan Namangan, Samarqand, Surxondaryo, Toshkent, Farg‘ona va Xorazm viloyatlaridan yuklanmoqda.
2017-yil yanvar oyining birinchi o‘n kunligida “O‘zagroeksport” AJ tomonidan Hindistonga jami 300 tonnaga yaqin mosh yuklangan bo‘lib, oy oxirigacha yana 2 ming tonna moshni eksport qilish buyurtmasi ustida ish olib borilmoqda.
Hindistondagi hamkorlar taklifiga ko‘ra, joriy yilda O‘zbekistonning turli hududlariga sinov tariqasida moshning yangi navlari, xususan, Black Matpe ekilib, eksport qilinishi rejalashtirilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)