Venesuela Oliy sudi Milliy assambleya (parlament) tomonidan yaqinda qabul qilingan qarorlarni qonuniy kuchga ega bo‘lmagan deb e’tirof etdi. Oliy sud bayonotida aytilishicha, bu, shuningdek, qonun chiqaruvchi organning prezident Nikolas Maduroni “davlat rahbari lavozimini tark etgan” deb hisoblash haqidagi qaroriga ham tegishli, deb yozadi “TASS”.
“Parlament a’zolari qonun chiqaruvchi organ faoliyati to‘g‘risidagi mamlakat konstitutsiyasi tomonidan belgilangan nizomga nisbatan hurmatsizlik ko‘rsatishda davom etayotgani uchun, ular qabul qilgan qarorlar qonuniy kuchga ega bo‘lmagan deb topiladi”, — deyiladi bayonotda.
Shu tufayli Maduroga hukumat faoliyati to‘g‘risidagi yillik hisobot bilan assambleya qarshisida chiqish qilish o‘rniga, uni Oliy sud a’zolariga ko‘rib chiqish uchun taqdim etish imkoniyati berildi.
Avvalroq Venesuela muxolifat parlamenti prezident Nikolas Maduro o‘z majburiyatlarini bajarmagani uchun lavozimini tark etgan deb e’lon qilgan, ammo keyinroq Venesuela Oliy sudi Venesuela parlamenti — Milliy assambleyaning hech qanday rezolyutsiyalari mamlakat prezidentining o‘z lavozimidan bo‘shatilishiga olib kela olmasligini ma’lum qilgan edi.
Izoh (0)