Afg‘oniston prezidenti Ashraf G‘aniy yaqinda Kobulda yuz berib, kamida 38 kishining o‘limiga sababchi bo‘lgan qo‘sh terakt uchun toliblardan o‘ch olishga va’da berdi, deb yozadi “Interfaks”.
Mahalliy OAVlar xabariga ko‘ra, prezident afg‘on xalqining qotillari mamlakatning har qanday burchagida xavfsizlikda qolmasligini va fuqarolar o‘limi uchun javob berishini aytdi.
G‘aniy toliblarning shafqatsiz hujumi ularning xalqqa va insoniyatga dushman ekanligini yana bir marta ko‘rsatib berganini ta’kidladi.
Avvalroq “Tolibon” radikal harakati Afg‘oniston poytaxtining Dorulomon tumanida amalga oshirilgan qo‘shaloq terakt uchun javobgarlikni o‘z zimmasiga olgan edi.
Eslatib o‘tamiz, birinchi terakt xavfsizlik boshqarmasining sobiq binosi yaqinida, ikkinchisi esa Afg‘oniston parlamenti telestudiyasi oldida amalga oshirildi. Qo‘sh terakt qurbonlari soni 38 kishini tashkil qildi, yaradorlar soni 78 kishiga yetgani aytilmoqda.
Izoh (0)