Афғонистон президенти Ашраф Ғаний яқинда Кобулда юз бериб, камида 38 кишининг ўлимига сабабчи бўлган қўш теракт учун толиблардан ўч олишга ваъда берди, деб ёзади «Интерфакс».
Маҳаллий ОАВлар хабарига кўра, президент афғон халқининг қотиллари мамлакатнинг ҳар қандай бурчагида хавфсизликда қолмаслигини ва фуқаролар ўлими учун жавоб беришини айтди.
Ғаний толибларнинг шафқатсиз ҳужуми уларнинг халққа ва инсониятга душман эканлигини яна бир марта кўрсатиб берганини таъкидлади.
Аввалроқ «Толибон» радикал ҳаракати Афғонистон пойтахтининг Доруломон туманида амалга оширилган қўшалоқ теракт учун жавобгарликни ўз зиммасига олган эди.
Эслатиб ўтамиз, биринчи теракт хавфсизлик бошқармасининг собиқ биноси яқинида, иккинчиси эса Афғонистон парламенти телестудияси олдида амалга оширилди. Қўш теракт қурбонлари сони 38 кишини ташкил қилди, ярадорлар сони 78 кишига етгани айтилмоқда.
Изоҳ (0)