Hyundai kompaniyasi Las-Vegasda tashkil etilgan CES iste’mol elektronikasi ko‘rgazmasida haydovchisiz avtomobilga integratsiya qilingan “aqlli” uy konseptini namoyish etdi, deb xabar bermoqda “Motor”.
Mobile Vision loyihasi doirasida tayyorlangan konsept uyda avtomobilning xonadonga ulanishi uchun imkon beradigan maxsus joy bo‘lishini nazarda tutadi: bunda mashinaning faqat saloni xonadonning bir qismiga aylanadi – kuzov tashqarida qoladi.
“O‘rnatilib”, “aqlli” uyga ulanganidan so‘ng, mashina uyni elektr energiyasi bilan ta’minlovchi generator yoki maishiy konditsioner vazifasini o‘z zimmasiga olishi mumkin.
Bundan tashqari, uy sharoitida avtomobilning multimedia tizimidan ish uchun yoki ko‘ngilochar maqsadlarda foydalansa bo‘ladi. Agar uy egasi qayergadir bormoqchi bo‘lsa, xonadan mashina saloniga o‘tsa kifoya.
Mobile Vision loyihasi doirasida Hyundai yana bir konsept – Ioniq Scooter samokatini namoyish etdi.
Samokat Ioniq ekomobilining old “cho‘ntagi”da turadi va undan, masalan, ishxona va mashina qoldirilayotgan avtoturargoh oralig‘idagi masofani bosib o‘tishda foydalanish mumkin.
Skuter juda yengil va portfel darajasidagi o‘lchamlargacha oson kichrayadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)