Hyundai компанияси Лас-Вегасда ташкил этилган CES истеъмол электроникаси кўргазмасида ҳайдовчисиз автомобилга интеграция қилинган «ақлли» уй консептини намойиш этди, деб хабар бермоқда «Motor».
Mobile Vision лойиҳаси доирасида тайёрланган консепт уйда автомобилнинг хонадонга уланиши учун имкон берадиган махсус жой бўлишини назарда тутади: бунда машинанинг фақат салони хонадоннинг бир қисмига айланади – кузов ташқарида қолади.
«Ўрнатилиб», «ақлли» уйга уланганидан сўнг, машина уйни электр энергияси билан таъминловчи генератор ёки маиший кондиционер вазифасини ўз зиммасига олиши мумкин.
Бундан ташқари, уй шароитида автомобилнинг мультимедиа тизимидан иш учун ёки кўнгилочар мақсадларда фойдаланса бўлади. Агар уй эгаси қаергадир бормоқчи бўлса, хонадан машина салонига ўца кифоя.
Mobile Vision лойиҳаси доирасида Hyundai яна бир консепт – Ioniq Scooter самокатини намойиш этди.
Самокат Ioniq экомобилининг олд «чўнтаги»да туради ва ундан, масалан, ишхона ва машина қолдирилаётган автотураргоҳ оралиғидаги масофани босиб ўтишда фойдаланиш мумкин.
Скутер жуда енгил ва портфел даражасидаги ўлчамларгача осон кичраяди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)