Ford Motor Meksikada qiymati 1,6 milliard dollarga baholanayotgan yana bir zavod qurish rejasidan voz kechdi. Bu haqda kompaniya tomonidan tarqatilgan press-relizda ma’lum qilindi, deya xabar beradi “Interfaks”.
Buning o‘rniga Ford Detroyt (AQSh) yaqinidagi Flet-rok shaharchasida yangi innovatsion ishlab chiqarish markazi barpo etishga 700 million dollar yo‘naltiradi. Hisob-kitoblarga ko‘ra, buning natijasida qo‘shimcha 700 ta yangi ish o‘rni yaratiladi.
Ford Meksikaning San-Luis-Potosi shahrida yangi zavod qurish va Mexiko yaqinidagi zavod ishlab chiqarish quvvatini ko‘paytirishni mo‘ljallagandi. Shu tariqa kompaniya Meksikada chiqarilayotgan avtomobillar sonini 2018-yilda 500 ming donaga yetkazishni rejalashtirgandi.
Ma’lumot uchun, oldinroq AQShning saylangan prezidenti Donald Tramp Meksikada yig‘ilgan Chevy Cruze mashinalarini Amerikaga bojxona to‘lovlarisiz olib kirayotgan General Motors’ni tanqid qilib, ishlab chiqarishni AQShga ko‘chirish yoki chegarada katta soliq to‘lashni taklif etgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)