Barak Obamaning birinchi prezidentlik muddati boshida AQSh va Rossiya munosabatlari sohasida o‘tkazilgan “qayta yuklash” foyda keltirdi, xususan, qurol-yarog‘larni qiqartirish borasida manfaatli bo‘ldi, Vashington Moskva bilan umumiy manfaatli sohalarda hamkorlik qilishga tayyor. Bu haqda AQSh davlat kotibi Jon Kerri tomonidan amaldagi ma’muriyat faoliyatining tugashi ehtimoli yuzasidan tayyorlab, tarqatilgan maktubida aytiladi, deb yozadi “TASS”.
O‘z xatida u, shuningdek, Rossiya ko‘magida Suriyadan kimyoviy qurol olib chiqib ketilganligini eslatdi.
Shu bilan bir vaqtda, deb tan oladi Kerri, Rossiya va AQSh “bir qator masalalar borasida jiddiy qarama-qarshiliklarni boshdan kechirmoqda”. Birinchi navbatda, u Ukraina inqirozini tilga oldi va Rossiyaga nisbatan kiritilgan sanksiyalarni eslatdi. Bundan tashqari, u Rossiya hukumatining kiberhujumlarga aloqadorligi va Suriyaga harbiy intervensiyani ham qayd etdi.
Ammo AQSh, Kerrining so‘zlariga ko‘ra, “Rossiya bilan hamkorlik ularning manfaatlariga mos bo‘ladigan sohalar”ni qidirishda davom etmoqda.
Izoh (0)