Qozog‘istonning Belarusdagi elchixonasi katta buxgalteri 680 ming dollardan ortiq mablag‘ni talon-taroj etishda gumon qilinib, qo‘lga olindi. Bu haqda Qozog‘iston korrupsiyaga qarshi kurash milliy byurosi xabar bermoqda.
Byuroga ko‘ra, 2012—2015-yillarda A.Seydualiyev elchixona binosi qurilishi bosh pudratchisi “Aktivbiznesplyus” kompaniyasiga go‘yo to‘lov qilingani haqida soxta xarajat kassa orderlarini tuzib, 207 ming dollarni o‘margan.
Shuningdek, u elchixonaga Belarus soliq idoralaridan qo‘shimcha qiymat solig‘idan qaytarma tarzida kelib tushgan 474 ming dollardan oshiq mablag‘ni ham o‘g‘irlagan.
Hozirda gumonlanuvchi Ostona ichki ishlar departamenti vaqtinchalik saqlash izolyatorida ekanligi bildirilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)