Ostonadagi mehmonxonalardan birining saunasida yuz bergan yong‘in tufayli 14 kishi evakuatsiya qilindi. Bu haqda Kazakhstan Today xabar bermoqda.
Ostona favqulodda hodisalar departamentiga ko‘ra, 4-yanvar, chorshanba kuni mahalliy vaqt bilan 18:24 da Buktirma ko‘chasidagi 3 qavatli mehmonxonada yong‘in chiqqani haqida xabar berilgan. Voqea joyida ikkinchi qavatda joylashgan saunaning 25 kvadrat metr maydonga ega bug‘xonasi ichki yog‘och qoplamasi alanga olgani, yuqori qavatni kuchli tutun qoplagani ma’lum bo‘ldi.
Yong‘in qisqa muddatda o‘chirildi, boshqa qavatlar va binolarga o‘tishiga yo‘l qo‘yilmadi. Qutqaruv ishlari davomida 14 kishi, jumladan, 7 nafar bola evakuatsiya qilindi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)