Барак Обаманинг биринчи президентлик муддати бошида АҚШ ва Россия муносабатлари соҳасида ўтказилган «қайта юклаш» фойда келтирди, хусусан, қурол-яроғларни қиқартириш борасида манфаатли бўлди, Вашингтон Москва билан умумий манфаатли соҳаларда ҳамкорлик қилишга тайёр. Бу ҳақда АҚШ давлат котиби Жон Керри томонидан амалдаги маъмурият фаолиятининг тугаши эҳтимоли юзасидан тайёрлаб, тарқатилган мактубида айтилади, деб ёзади «ТАСС».
Ўз хатида у, шунингдек, Россия кўмагида Суриядан кимёвий қурол олиб чиқиб кетилганлигини эслатди.
Шу билан бир вақтда, деб тан олади Керри, Россия ва АҚШ «бир қатор масалалар борасида жиддий қарама-қаршиликларни бошдан кечирмоқда». Биринчи навбатда, у Украина инқирозини тилга олди ва Россияга нисбатан киритилган санкцияларни эслатди. Бундан ташқари, у Россия ҳукуматининг киберҳужумларга алоқадорлиги ва Сурияга ҳарбий интервенцияни ҳам қайд этди.
Аммо АҚШ, Керрининг сўзларига кўра, «Россия билан ҳамкорлик уларнинг манфаатларига мос бўладиган соҳалар»ни қидиришда давом этмоқда.
Изоҳ (0)