Fransiya harbiy-havo kuchlari Suriyaning Palmira shahri yaqinidagi IShID marralarini o‘qqa tutdi. Bu haqda, AFP’ga asoslanib, “TASS” xabar bermoqda.
Mamlakat prezidenti Fransua Olland Bag‘dodga tashrifi chog‘ida bu borada bayonot berdi.
“Bizning samolyotlarimiz zarbalar berishda davom etmoqda. Kecha (1-yanvar kuni) ular IShIDga Palmirada zarba berdi, negaki bizning yagona dushmanimiz IShIDdir”, — dedi u Iroq bosh vaziri Haydar al-Abadiy bilan bergan qo‘shma matbuot anjumanida.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)