Франция ҳарбий-ҳаво кучлари Суриянинг Пальмира шаҳри яқинидаги ИШИД марраларини ўққа тутди. Бу ҳақда, AFP’га асосланиб, «ТАСС» хабар бермоқда.
Мамлакат президенти Франсуа Олланд Бағдодга ташрифи чоғида бу борада баёнот берди.
«Бизнинг самолётларимиз зарбалар беришда давом этмоқда. Кеча (1 январь куни) улар ИШИДга Пальмирада зарба берди, негаки бизнинг ягона душманимиз ИШИДдир», — деди у Ироқ бош вазири Ҳайдар ал-Абадий билан берган қўшма матбуот анжуманида.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)