Taniqli so‘z ustasi Obid Asomov Instagram’dagi sahifasida o‘zining go‘yoki kaltaklangan holatdagi suratini e’lon qilib, xonanda Ozodbek Nazarbekov haqida tarqalgan turli mish-mishlarga munosabat bildirdi.
Obid Asomovning yozishicha, shu surat olti yil avval “Obidni urib ketishibdi”, “Uni urib-urib, qo‘liga kishan taqib, olib ketishibdi” qabilidagi mish-mishlarning tarqalishiga sabab bo‘lgan.
Aslida bu surat “Tohir va Zuhra 2” filmi syomkasi vaqtida olingan bo‘lib, ba’zi jurnalistlar suratni faqat bir xil — Obid Asomovning kaltaklangandek ko‘rinib qolgan yuzini kattalashtirib tarqatishi asossiz mish-mishlarga sabab bo‘lgan.
Bu voqeani eslaganimning sababi — navbat endi Ozodbek (Nazarbekov)ga kelibdi. “Og‘ir kasalmish”, “Konsertda yiqilib tushibdi. Endi konsert berolmasmish!”, “Sergelida dom qurayotganmish”. Ha, xalqimiz o‘z san’atkorlarini naqadar yaxshi ko‘radi! Ozodbek, ukam, onam aytardilar — qancha ko‘p g‘iybat qilishsa, shuncha gunohing to‘kiladi, deb. Senda umuman gunoh qolmadi-yov!Avvalroq O‘zbekiston xalq artisti Ozodbek Nazarbekov 2017-yilda konsert bermasligi, bunga so‘nggi yillarda berilgan ketma-ket jonli konsertlardan so‘ng jismonan charchagani sabab bo‘lgani haqida xabarlar berilgan edi.Obid Asomov, O‘zbekistonda xizmat ko‘rsatgan artist
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)