Таниқли сўз устаси Обид Асомов Instagram’даги саҳифасида ўзининг гўёки калтакланган ҳолатдаги суратини эълон қилиб, хонанда Озодбек Назарбеков ҳақида тарқалган турли миш-мишларга муносабат билдирди.
Обид Асомовнинг ёзишича, шу сурат олти йил аввал «Обидни уриб кетишибди», «Уни уриб-уриб, қўлига кишан тақиб, олиб кетишибди» қабилидаги миш-мишларнинг тарқалишига сабаб бўлган.
Аслида бу сурат «Тоҳир ва Зуҳра 2» фильми съёмкаси вақтида олинган бўлиб, баъзи журналистлар суратни фақат бир хил — Обид Асомовнинг калтаклангандек кўриниб қолган юзини катталаштириб тарқатиши асоссиз миш-мишларга сабаб бўлган.
Бу воқеани эслаганимнинг сабаби — навбат энди Озодбек (Назарбеков)га келибди. «Оғир касалмиш», «Концертда йиқилиб тушибди. Энди концерт беролмасмиш!», «Сергелида дом қураётганмиш». Ҳа, халқимиз ўз санъаткорларини нақадар яхши кўради! Озодбек, укам, онам айтардилар — қанча кўп ғийбат қилишса, шунча гуноҳинг тўкилади, деб. Сенда умуман гуноҳ қолмади-ёв!Аввалроқ Ўзбекистон халқ артисти Озодбек Назарбеков 2017 йилда концерт бермаслиги, бунга сўнгги йилларда берилган кетма-кет жонли концертлардан сўнг жисмонан чарчагани сабаб бўлгани ҳақида хабарлар берилган эди.Обид Асомов, Ўзбекистонда хизмат кўрсатган артист
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)