Toshkentdagi Alisher Navoiy nomli kinosaroyda 26-dekabr, dushanba kuni rejissor Yolqin To‘ychiyevning “Ma’suma” filmi taqdimoti bo‘lib o‘tdi. Bu haqda “PopCorn.uz” xabar bermoqda.
“O‘zbekkino” milliy agentligi buyurtmasiga muvofiq “O‘zbekifilm” kinostudiyasida suratga olingan kartinada rollarni Shahzoda Matchonova, Adiz Rajabov, Nigora Karimboyeva, Dilbar Ikromova, Farhod Abdullayev va boshqalar ijro etgan.
“Darakchi.uz”ning qayd etishicha, aktrisa Shahzoda Matchonova uchun bu joriy kinomavsumdagi uchinchi filmdir.
“Mavsum premyeralarga boy o‘tdi. Bu ushbu mavsumda mening ishtirokimdagi uchinchi film. Ushbu rolni menga ishonib topshirgani uchun rejissor Yolqin To‘ychiyevga minnatdorchilik bildiraman. Bu rol men uchun alohida ahamiyatga ega!”, — deydi Shahzoda Matchonova.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)