Suriya armiyasi va ko‘ngillilar otryadlari Aleppodan 40 kilometr sharqda IShID jangarilari hujumini qaytarmoqda. Bu haqda “TASS” xabar berdi.
SANA agentligiga ko‘ra, jangarilar hukumat kuchlarining Dayr-Xafir tumanida joylashgan aviatsiya o‘quv yurti hududidagi himoya marrasini yorib o‘tishga intilmoqda.
“Mazkur muhim platsdarm himoyachilari hujumni qaytardi va Meshref-bu-Jabbor va Al-Bayjon aholi punktlarida dushmanni ta’qib etmoqda. 50 dan ortiq terrorchi o‘ldirildi, ularga tegishli harbiy-transport vositalari yo‘q qilindi”, — deya ma’lum qildi harbiy qo‘mondonlik vakili.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)