Tu-154 halokati qurbonlarining qarindoshlaridan biomateriallar olish boshlandi, deya xabar bermoqda “Interfaks” Rossiya mudofaa vaziri o‘rinbosari Pavel Popovga tayanib.
“DNK tahlili bo‘yicha ilk ishlarni o‘tkazish uchun biomateriallar yig‘ish bilan bog‘liq dastlabki ishlar olib borildi”, — dedi mudofaa vazirligi vakili hukumat komissiyasi yig‘ilishida.
Uning aytishicha, Sochiga qurbonlar oilalarining 13 nafar a’zosi yetib kelgan, uch soatdan so‘ng esa maxsus bort ularni Moskvaga olib boradi.
O‘z navbatida, Sochi meri Anatoliy Paxomov qirg‘oqda aviahalokat qurbonlarini qidirish ishlariga ma’muriyat va politsiyaning barcha xodimlari jalb qilinganini ta’kidladi.
Avvalroq Tu-154 samolyoti halokati qurbonlarining o‘n nafariga tegishli jasadlar ortilgan Il-76 samolyoti Sochidan Moskvaga uchib ketgani xabar berilgan edi.
Izoh (0)