24-dekabr, shanba kuni “Sberbank”ning Korporativ universitetida vitse-gubernatorlar uchun ichki siyosat bo‘yicha o‘quv seminari yakunlandi, deya xabar bermoqda TJournal. Uni Rossiya prezidenti ma’muriyati rahbarining birinchi o‘rinbosari Sergey Kiriyenko olib bordi. Seminarda prezident saylovlarida saylovchilarning 70 foizi qatnashishiga va o‘z nomzodi uchun shuncha foiz ovoz to‘plashga qanday erishish haqida gapirishdi.
Vitse-gubernatorlardan birining so‘zlariga ko‘ra, seminarda ishtirokchilarga asosiy nomzod saylovlarda saylovchilarning 70 foizi qatnashganda 70 foiz natija bilan g‘alaba qozonishi kerakligini aytishgan. Kreml talabi bo‘yicha, unga saylovga kelgan saylovchilarning kamida yarmi ovoz berishi kerak.
Hududlar rahbarlari seminar chog‘ida prezident saylovlariga ko‘p sonli saylovchilar kelishiga erishish bo‘yicha o‘quv topshiriqlarini bajardi.
Seminarning ba’zi ishtirokchilari aytishicha, ularga bu “yig‘ilish emas, seminar” ekanligi ta’kidlab aytilgan bo‘lsa-da, hududlar rahbarlari tadbirda yangragan raqamlar va o‘quv topshiriqlarini Kreml tomonidan berilgan vazifa sifatida qabul qilgan.
Izoh (0)