Тожикистон ҳукумати «Урал ҳаво йўллари» компанияси томонидан амалга оширилган Краснодар, Уфа, Челябинск ва Красноярскдан Душанбега рейсларни бекор қилди. Бу ҳақда республика транспорт вазирлигининг фуқаролар авиацияси департаменти бошлиғи Юсуф Раҳмонов маълум қилди, деб ёзади «РИА Новости».
Амалдор бундай хатти-ҳаракатлар Москва томонидан Тожикистоннинг «Сомон Эйр» авиакомпаниясининг Россия ҳудудларига рейслари тўхтатилишига жавоб чораси бўлганига аниқлик киритди. Рейсларни ёпиш ҳақидаги қарор 23 декабрь, жума куни Тошкент вақти билан 12:00 да кучга киради.
Эслатиб ўтамиз, олдинроқ Россия томони Тожикистон зиммасига олган мажбуриятларни бажармаса, ушбу мамлакат билан авиақатнов тўхтатилишини билдирганди.
Кейинроқ Россия ва Тожикистон авиация расмийлари «Ямал» авиакомпаниясининг «Жуковский» аэропортидан парвозини келишиб олди. Шу тариқа икки мамлакат ўртасида авиақатнов тикланди.
Изоҳ (0)