Berlinda 19-dekabr, dushanba kuni yuz bergan terakt ommaviy bayram tadbirlari, jumladan, Rojdestvo yarmarkalari o‘tkazilishi man etilishiga sabab bo‘lmasligi kerak. Bu haqda Germaniya mudofaa vaziri Tomas de Mezyer ma’lum qildi, deya xabar beradi “Korrespondent.net”.
Vazir 20-dekabr, seshanbada motam ramzi sifatida Berlindagi barcha yarmarkalar bir kunga yopilganini bildirdi. Biroq federal yerlardagi vazirlik xodimlari bilan telekonferensiya yakunlari bo‘yicha yarmarka va boshqa ommaviy tadbirlar davom etishi kerakligi, ulardan voz kechish, bekor qilish noto‘g‘ri bo‘lishi haqidagi xulosaga kelindi.
Hukumat yig‘ilishidan so‘ng vokzal, aeroport va avtobus bekatlarida xavfsizlik choralarini kuchaytirishga qaror qilindi.
Germaniya poytaxtidagi terakt oqibatida 12 kishi halok bo‘ldi, 50 kishi jarohat oldi. Yaralangan 18 kishining ahvoli o‘ta og‘ir deb baholanmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)