Rossiya, Eron va Turkiya tashqi ishlar vazirlari Suriya bo‘yicha bayonotni kelishib oldi, deb yozadi “Interfaks” Rossiya tashqi ishlar vaziri Sergey Lavrovga tayanib.
“Biz Eron Islom Respublikasi, Rossiya Federatsiyasi, Turkiya Respublikasi tashqi ishlar vazirlarining Suriyadagi nizolarga barham berish maqsadida siyosiy jarayonni jonlantirishga qaratilgan chora-tadbirlar bo‘yicha qo‘shma bayonotini kelishib oldik”, — dedi Lavrov uch tomonlama uchrashuv yakunlari bo‘yicha tashkil qilingan matbuot anjumanida.
U bayonotda Suriya arab respublikasining suvereniteti, mustaqilligi, birligi va hududiy daxlsizligi hurmat qilinishi tasdiqlanishini qo‘shimcha qildi.
“Shuni ta’kidlamoqchimanki, kelishuvlarga erishishga biz bilan parallel tarzda uchrashgan mudofaa vazirlari ham hissa qo‘shdi”, — dedi Rossiya TIV rahbari.
Lavrovning qo‘shimcha qilishicha, tashqi ishlar vazirlari Suriyadagi nizoni harbiy yo‘l bilan hal qilib bo‘lmasligiga ishonchi komil.
Izoh (0)