“Atletiko”, “Vilyarreal” va “Real Sosyedad” “Real Madrid” kabi Ispaniya Kubogining 1/8 finaliga yo‘l oldi

Futbol bo‘yicha Ispaniya Kubogining 1/16 final uchrashuvlari doirasida 5 ta uchrashuv bo‘lib o‘tdi.

Bunga qadar faqatgina Madridning “Real” klubi navbatdagi bosqichga yo‘l olgan bo‘lsa, endi uning safiga yana 5 ta klub qo‘shildi. Qayd etish kerak, Zidan jamoasi 1/16 finalda “Leonesa” klubini safarda 7:1, o‘z maydonida 6:1 hisoblarida mag‘lub etgandi.

Kubok yo‘lidagi “Real”ning asosiy raqiblaridan biri bo‘lgan “Atletiko” ham har ikki o‘yinni yirik hisobda o‘z foydasiga hal qildi — 6:0 va 4:1.

La Liga ishtirokchisi bo‘lgan “Malaga” klubi kutilmaganda quyi divizion jamoasi hisoblangan “Kordoba” dovonidan o‘ta olmadi.

Olinda La Liga muxlislarini “Barselona” — “Erkules” (birinchi o‘yin 1:1), “Sevilya” — “Formentera” (dastlabki o‘yin 5:1) kabi yetakchi jamoalar ishtirokidagi o‘yinlar kutib turibdi.

Ispaniya Kubogi 1/16 final 20-dekabr, seshanba

“Vilyarreal” — “Toledo” 1:1

“Real Sosyedad” — “Valyadolid” 1:1

“Las-Palmas” — “Ueska” 2:1

“Atletiko” — “Gixuelo” 4:1

“Malaga” — “Kordoba” 3:4