Rossiya so‘nggi o‘n yil ichida o‘z joniga qasd qilishlar soni bo‘yicha dunyoda uchinchi o‘rindan 14-o‘ringa o‘tdi, deb yozadi “TASS”. Ammo mamlakatda o‘smirlar orasidagi xudkushlik darajasi yuqori bo‘lib qolmoqda.
“So‘nggi o‘n yil ichida o‘z joniga qasd qilishlar bo‘yicha, agar 2005- va 2016-yilni taqqoslaydigan bo‘lsak, keskin pasayishni ko‘ramiz. Rossiya dunyoda xudkushlik bo‘yicha uchinchi o‘rinda edi. Bu fojiali holat. Hozir esa biz Yevropada to‘qqizinchi, dunyoda 14-o‘rindamiz”, — dedi Ijtimoiy va sud psixiatriyasi ilmiy markazi direktori Zurab Kekelidze.
“Muhit yaxshilandi, ammo vaziyat baribir yomon. O‘smirlar orasida o‘z joniga qasd qilish darajasi yuqori bo‘lib qolmoqda”, — dedi Kekelidze. U ushbu muammoni hal qilish ustida ishlar olib borilayotganini qayd etdi.
Izoh (0)