Apple shu hafta Yevrokomissiyaning to‘lanmagan soliqlar tufayli korporatsiyadan milliardlab yevro undirib olish qaroriga qarshi apellyatsiya beradi. Bu haqda Apple’ning bosh huquqiy maslahatchisi Bryus Siuell ma’lum qildi, deb yozadi “TASS”.
Uning so‘zlariga ko‘ra, korporatsiya aslida uning muvaffaqiyatidan foydalanib, uni boshqalarning gunohi uchun javobgar qilishganini isbotlamoqchi. “Apple qulay nishon hisoblanadi, chunki kompaniyaning nomi matbuotdagi ko‘plab maqolalarning sarlavhasidan o‘rin oladi. Ushbu holat yevrokomissarga 2016-yilning eng yaxshi daniyalik ayoli sifatida tanilish imkonini beradi”, — deya aniqlik kiritdi u.
Siuell Yevrokomissiya Irlandiyaning yetakchi huquqshunoslari Apple foydasiga taqdim etgan dalillarni e’tiborga olish u yoqda tursin, ular bilan tanishib chiqmaganini ham ta’kidladi.
Nashr eslatishicha, avgust oxirida Yevrokomissiya Apple’ga Irlandiya hukumati taqdim etgan davlat ko‘magi va soliq imtiyozlarini noqonuniy deb topgan hamda kompaniyaga respublika hukumatiga 13 milliard yevrogacha mablag‘ to‘lash majburiyatini yuklagan edi.
Izoh (0)