Euro NCAP қўмитаси 2016 йилнинг энг хавфсиз автомобиллари рейтингини эълон қилди. Бу ҳақда «Корреспондент.net» хабар бермоқда.
«Кичик оилавий автомобиль» тоифасида Hyundai Ioniq хэтчбекига тенг келадигани топилмади. Машина ҳайдовчи ҳимояси бўйича 91, йўловчи бола ҳимоясида 80, пиёда ҳимояси учун эса 79 фоиз-балл тўплади.
Toyota Prius хавфсизлик нуқтаи назаридан энг яхши катта оилавий автомобиль деб топилди. Машина ҳайдовчи ва бола ҳимояси учун 92 фоиздан, пиёда ҳимоясида эса 85 фоиз-балл ишлаб олди.
Тегишли равишда 96, 84 ва 72 фоиз-балл тўплаган Volkswagen Tiguan энг хавфсиз кичик кроссовер деб топилди.
Euro NCAP энг хавфсиз автомобиллар рейтингини тузиш учун краш-синовлар туркумини ўтказади. Уларда юзма-юз ва ёндан тўқнашув юз берганда ҳайдовчи ва йўловчиларнинг ҳимоялангани, шунингдек, тўхтатиш тизими иши баҳоланади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)