Шанхай икки маҳаллий аэропортидаги йилига 100 миллион йўловчидан ортиқ оқими билан дунёнинг энг йирик ҳаво транспорти тармоқлари қаторига кирди. Бу ҳақда «ТАСС» хабар бермоқда.
100 миллионинчи йўловчи 12 декабрь, душанба куни Пудун халқаро аэропортига Москвадан келган рейс билан қўнди. Шу тариқа, Шанхай аэропортлари йўловчи оқими ҳажмига кўра фақат Лондон, Нью-Йорк, Токио ва Атланта ҳаво қўналғаларидан ортда қолмоқда.
Мегаполисдаги Пудун ва Хунцяо аэропортлари ўтган йили Хитой ҳаво ҳаракатининг 11 фоизини қамраб олган. Асосан халқаро йўналишларга хизмат қиладиган Пудун аэропортидан самолётлар дунёнинг 250 шаҳрига учади.
Маҳаллий расмийларга кўра, 2020 йилга келиб Шанхайдаги икки аэропорт 120 миллион йўловчига хизмат кўрсатади ва 5,2 миллион тонна юк ташийди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)