Rossiya favqulodda vaziyatlar vazirligi uchun yaratilgan “Fyodor” android roboti kelajakda mustaqil o‘rganish qobiliyatiga ega bo‘ladi, deb yozadi “TASS” robotni ishlab chiqqan “Androidnaya texnika” kompaniyasi bosh direktori Aleksandr Permyakovga tayanib.
“Ayni paytda namoyish etilayotgan modelda mustaqil o‘rganish jarayoni ko‘zda tutilmagan. Kelajakda u albatta paydo bo‘ladi, axir mustaqil o‘rganish — avtonom robototexnikani rivojlantirishning bosh yo‘nalishi”, — dedi u.
Permyakovning so‘zlariga ko‘ra, hozir “Fyodor” cheklangan ssenariylar doirasida o‘z tashabbusiga ko‘ra harakatlana oladi. “Masalan, u lokal navigatsiya uchun xonaning uch o‘lchamli xaritasini tuzishi, buyum yoki to‘siqni aniqlashi hamda belgilangan ssenariy bo‘yicha birorta harakatni bajarishi mumkin, masalan, kalitni olib, eshik qulfini ochishi mumkin”, — deya aniqlik kiritdi agentlik hamsuhbati.
Permyakov “Fyodor” uchun ko‘zda tutilgan vazifalarning ko‘pchiligi FVV tomonidan qutqaruvchilarning xizmat vazifasiga bog‘liq ko‘rsatmalardan olinganini aytdi.
Izoh (0)