Steampunk Tendencies nashri 19-asr o‘rtalariga tegishli qirollarning qahva qaynatuvchi asbobi qanday ishlashini ko‘rsatib beruvchi videoni e’lon qildi, deb yozadi TJournal.
Videoda jaranglagan izohlarga ko‘ra, asbob muvozanatlashgan sifon (yuqoriroqdagi idishdan pastroqdagi idishga suyuqlik o‘tkazadigan bukik naycha) prinsipi bo‘yicha ishlaydi. U gorelka hamda naycha orqali birlashtirilgan ikkita idishdan iborat (biri shisha, ikkinchisi metall). Shisha idishga qahva solinadi, germetik metall idishga esa suv quyilib, gorelka o‘rnatiladi. Suv qaynab, baland bosim tufayli naycha orqali shisha idishga oqib tusha boshlaydi.
Bir idishdan ikkinchisiga oqib o‘tish jarayonida suv bir necha darajaga soviydi. U to‘liq shisha idishga oqib tushgach, gorelka o‘chadi. Soviyotgan metall idishda bosim pasayadi va vakuum hosil bo‘ladi, u damlangan qahvani qaytadan tortib oladi.
Shundan so‘ng metall idishdagi kranchani ochib, qahvani finjonga solish mumkin. Idishning germetikligi va filtrning yo‘qligi tufayli, qahvaga boshqa yoqimsiz ta’mlar aralashib qolmaydi.
Izoh (0)