AQSh Oliy sudi Amerikaning Apple korporatsiyasi bilan patent bahsida Janubiy Koreyaning elektronika ishlab chiquvchi Samsung kompaniyasi foydasiga qaror chiqardi, deb yozadi “RBK”.
Sakkizta sud bir ovozdan Samsung’ga tashqi jihatdan Amerika kompaniyasi mahsulotlariga o‘xshash bo‘lgan Galaxy smartfonlari va boshqa qurilmalar dizaynidan foydalangani uchun, Apple’ga 399 million dollar to‘lash majburiyatini yuklagan apellyatsiya sudi qarorini bekor qildi. Oliy sud ekspertizasiga muvofiq, buni da’vo qilish uchun asoslar yo‘q.
Ikki kompaniya o‘rtasidagi patent bahsi 2011-yildan buyon davom etmoqda. Bu vaqt ichida Apple Samsung’ni ikki marta sudga berdi, ushbu da’volarning dastlabki qiymati 4,5 milliard dollarni tashkil etgandi. 2012-yilda sud Janubiy Koreya kompaniyasi Apple’ning oltita patentini buzgani, ularning bir qismi dizayn elementlariga bog‘liq bo‘lgani haqidagi xulosaga keldi. Oxir-oqibat, Samsung Amerika kompaniyasiga 548 million dollar to‘lab berishga rozi bo‘ldi.
Izoh (0)