Janubiy Koreya parlamenti mamlakat prezidenti Pak Kin Xega nisbatan impichment e’lon qilish haqida qaror qabul qildi. Bunga uning dugonasi bilan bog‘liq korrupsiyaviy mojaro sabab bo‘ldi. Bu haqda Yonhap agentligi ma’lum qildi, deb yozadi “RBK”.
Shu tariqa u Janubiy Koreyaning lavozimidan chetlatilgan birinchi demokratik saylangan yetakchisi bo‘lishi mumkin.
Qaror Milliy majlisning 300 nafar deputatining 234 nafari tomonidan ma’qullangandan so‘ng qabul qilindi. Impichment Konstitutsiyaviy sud ushbu qarorni ko‘rib chiqqunga qadar prezidentning davlat rahbari sifatidagi barcha vakolatlarini vaqtincha to‘xtatadi.
Konstitutsiyaviy sud bu qarorning qonuniyligini 180 kun ichida ko‘rib chiqadi. Bu vaqt ichida esa mamlakat bosh vaziri Xvan Gyo An prezidentning vazifalarini o‘ziga oladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)