Pentagon rahbari Afg‘onistonga e’lon qilinmagan tashrif bilan yetib keldi

AQSh mudofaa vaziri Eshton Karter Afg‘onistondagi Amerika qo‘shinlarining harbiy qo‘mondonligi bilan maslahatlashuvlar olib borish uchun Kobulga yetib keldi, deb yozadi “Interfaks” Associated Press’ga tayanib. Tashrif haqida oldindan ma’lum qilinmagan.

Ta’kidlanishicha, safar dasturiga vazirning Afg‘oniston prezidenti Ashraf G‘ani bilan uchrashuvi ham kiradi.

Pentagon vakili Piter Kuk jurnalistlarga ma’lum qilishicha, “Afg‘oniston rahbariyati bilan uchrashuv chog‘ida vazir afg‘on xavfsizlik kuchlarining oshgan imkoniyatlari masalalarini muhokama qiladi”. “Shu bilan bir vaqtda, vazir Afg‘onistonnig jangovar qobiliyatlarini, shu jumladan, aviatsiyani kuchaytirish bo‘yicha harakatlarni muhokama qiladi”, — deya qo‘shimcha qildi Kuk.