Koreya Respublikasi prezidenti Pak Kin Xe parlamenda tayyorlanayotgan impichment atrofidagi vaziyatga izoh bermayapti, deb yozadi “TASS”. Mamlakat yetakchisi 6-dekabr kuni hukmron partiya vakillari bilan uchrashuv o‘tkazgan vaqtdan buyon omma oldida ko‘rinish bermadi.
O‘shandan beri Pak Kin Xe Seuldagi qarorgohini tark etgani yo‘q, ammo avvalroq u shu hafta xalqqa yana bir marta murojaat qilib chiqish niyatini bildirgan edi. O‘z murojaatida u atrofidagi korrupsiya mojarosi borasidagi tafsilotlarni oshkor qilishi va o‘zi ixtiyoriy tarzda iste’foga chiqadigan muddatni aytishi kutilayotgan edi.
Biroq “Senuri” partiyasi fraksiyalaridan biri impichment uchun ovoz berish niyati haqida e’lon qilgach, Pak Kin Xe ushbu rejalaridan voz kechdi.
Avvalroq Janubiy Koreya parlamenti deputatlari mamlakat prezidenti Pak Kin Xening impichmenti bo‘yicha ovoz berish o‘tkazishga qaror qilgan edi. Ovoz berish 9-dekabr kuni o‘tkazilishi mumkin. Impichment amalga oshishi uchun 300 deputatdan 200 nafari ovoz berishi lozim.
Izoh (0)