AQShning saylangan prezidenti Donald Tramp NBC telekanalidagi yulduzlar xayriya uchun pul to‘playdigan Celebrity Apprentice shousida faoliyatini davom ettiradi. U bir necha yil mazkur dastur boshlovchisi edi, endi esa prodyuser sifatida mehnat qiladi. Bu haqda CNN manbalariga tayanib, “RBK” xabar bermoqda.
Shouning yangi mavsumida Kaliforniyaning sobiq gubernatori Arnold Shvarsenegger boshlovchilik qiladi, lekin titrlarda Trampning familiyasi mashhur aktyor nomidan oldinroq paydo bo‘ladi. NBC Trampning telekanaldagi faoliyati va buning uchun maosh olish-olmasligi haqidagi ma’lumotlarni rasman tasdiqlamadi.
2015-yili shou muallifi Mayk Bernett muhojirlarga nisbatan bildirgan fikrlarini tanqid qilib, Trampdan yiroqlashishga harakat qildi. Biroq, The New York Times ma’lumotlariga ko‘ra, o‘shandan beri ular kelishib olishga ulgurgan, Bernett esa AQShning yangi prezidenti inauguratsiya marosimi ssenariysini tayyorlashda ishtirok etishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)