Yaponiya, Janubiy Koreya, Xitoy, Indoneziya, Singapur, Malayziya kabi Sharqiy va Janubi-Sharqiy Osiyo mamlakatlaridagi O‘zbekiston Prezidenti saylovi uchun ochilgan saylov uchastkalari yopildi.
Bu haqda O‘zbekiston Markaziy saylov komissiyasi raisi Mirzo-Ulug‘bek Abdusalomov 4-dekabr kuni Toshkent shahrida bo‘lib o‘tgan navbatdagi brifing chog‘ida ma’lum qildi.
Mirzo-Ulug‘bek Abdusalomovning qo‘shimcha qilishicha, Markaziy va Janubiy Osiyo, Yaqin Sharq, Sharqiy, Markaziy va G‘arbiy Yevropa mamlakatlaridagi saylov uchastkalarida ovoz berish davom etmoqda.
Eng so‘nggi bo‘lib AQShning Vashington va Nyu-York shaharlaridagi O‘zbekiston vakolatxonalari huzurida tashkil etilgan saylov uchastkalari ochilgan va ovoz berish boshlangan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)