Butunjahon boks seriyasining 2016-yilgi musobaqasida yarim finalga qadar yetib borgan Uzbek Tigers, 2017-yilgi mavsum uchun raqiblarini bilib oldi. Bu haqda “Olamsport” ma’lumot berdi.
Unga ko‘ra o‘zbekistonlik bokschilar Osiyo mintaqasi deb nomlangan “C” guruhida kurash olib boradi. Guruhda Rossiyaning Russian Boxing Team, Xitoyning China Dragons, Qozog‘istonning Astana Arlans jamoalari o‘rin olgan.
Ma’lumot uchun, Uzbek Tigers 2016-yilgi mavsum yarim finalida Kuba jamoasidan mag‘lub bo‘lib, turnirni tark etgandi. Final bellashuvlariga Toshkent shahri mezbonlik qilgan bo‘lib, Cuba Domadores Britaniya jamoasini taslim qilgan.
Izoh (0)